Miednaja pieśnia

Muzyka dla nizkich ludziej - baraban
Muzyka dla nizkich ludziej dy tych,
Сhto ŭmieje spuskacca ŭniz
Rabić siabie mienšym
I, schavaŭšysia ŭ cišyni apoŭdnia, raptam stać vołatam,
Pačuŭšy huk zvanočka

Lipieńskija chvali

Kolki važyć boh na tvaich plačoch?
I jakoje tvajo pieršaje słova, tvoj pieršy strach?
I ja kažu tabie raz-dva, raz-dva, raz-dva
Raz u vadu
I dva na palavańnie
Raz praśpiavać dy dva źjeści
Raz Ja dy dva mnie
Jość jašče treci
Niamy
Chavaje skarb to pad adnym,
to pad druhim listom parečki

Ap​-​pa​-​ru

"A great restlessness gripped us. Paris was perfectly
impossible. We had to get to some place where time
doesn't count."


Bukiet

Mašyna kiepska žyvie
Mašyna, volnaja ad spravaŭ,
bližej da prajavaŭ ułaścivaściaŭ rozumu
Zirni na bukiet, što ja tabie prynios
Kolki ŭ jim kvietak?
Jakoj jon formy?
Kolki fihuraŭ ty možaš vyłučyć dy jak z dapamohaj hetaha
zrabicca vialikim i zachapić uvieś śviet?

Vakacyji

Davaj patańčym
Davaj papłačam hołasna, kachanaja,
Što tam pa-nad hałavoju?
Biełaja-biełaja krejda
Usie razyšlisia pa chatach,
pa lasoch,
I zrabilisia liściem
Niby ty taksama čuješ pieśniu pra vosień?
Viedaj, špacyr z taboj praz dva miljony hod usio hetak ža
Čaroŭna
Padobny
da palavańnia

Ra​-​to

"The exquisite images, so subtle and yet so concrete,
filled my mind with memories of all my boyhood's
dreams. They reminded me of the possibilities of love
and peace. All this was familiar to me, familiar in the
most intense and alluring form."


Aerobika

Pałochacca.
Pałochać samoha siabie
Voś što ja prynios tabie
Hetak ža prosta, jak hladzieć na vobłaka
Dy nie žadać bolej inšych "ja"
Šparka biehčy - heta 1.1.1.1
I heta tolki kalі viedaješ usie try čaściny karabla,
I, kažučy pra adnu ź jich, kivaješ u bok liesu

Kamiennaja pieśnia

Prabirajučysia praz kvołyja raśliny da voziera,
Kab źbirać kamieńčyki tabie na pacierki,
Raptam zrazumieŭ, što vynajšaŭ piśmienstva,
I ŭžo zdolny čytać ślady roznych zvyčajnych žyvioł
Pa tvajoj prazrystaj dałoni,
Dy adšukać miejsca, dze ty žyvieš
Na mapie Handvany.

Plesiosaurus Klingerti

"I'm afraid I'll have to treat you to another paradox,"
she said, lighting a cigarette. "I'm afraid that at first
sight you'll think there must be something wrong..."